Kæmi ekki á óvart

Já, það kæmi ekki á óvart ef Bob Bradley myndi taka við liði Aston Villa. Eigandi Aston Villa, Randy Lerner, er Bandaríkjamaður eins og Bradley og því líklegt að Lerner vilji fá landa sinn til Aston Villa. Þess má geta að Lerner á einnig NFL-liðið Cleveland Browns.

Bob Bradley hefur aðeins þjálfað í Bandaríkjunum en hann stjórnaði liðum Chicago Fire, MetroStars og Chivas USA áður en hann tók við landsliði Bandaríkjanna í desember 2006. Það yrði vissulega spennandi að sjá hvort Bradley myndi standa sig í enska boltanum. Ég held persónulega að hann gæti gert fína hluti í ensku deildinni en ég veit ekki hvort Aston Villa sé liðið fyrir hann.

Bob Bradley líklegasti arftaki O'Neill

Greinilega mjög ósáttur

Þetta eru svakalegar fréttir. Martin O'Neill er búinn að gera frábæra hluti með Aston Villa og því kemur þetta á óvart, en samt ekki. Það er vitað að O'Neill er mjög ósáttur með það að félagið selji alla sína bestu leikmenn. Hann sagði í viðtali um helgina að það væru miklar líkur á því að James Milner myndi yfirgefa félagið á næstu dögum þannig að hann vissi að það væri að gerast en það er spurning hvort fleiri leikmenn séu á leiðinni frá félaginu? Er til dæmis Young sömuleiðis á leiðinni frá Aston Villa? Er það ástæðan fyrir því að Martin O'Neill hefur ákveðið að segja bless á þessum tímapunkti?

O'Neill hættur með Aston Villa

Með allt á hreinu

Alex Ferguson stendur alltaf fyrir sínu, auðvitað var þetta planað hjá honum. Það er auðvitað alveg fáranlegt að það sé vináttulandsleikur nokkrum dögum fyrir mót. Ferguson er ekkert að byrja í þessum bransa :)

Blekkti Ferguson Fabio Capello?

Eiður Smári til Blackburn?

Vonandi þýðir þetta að Eiður Smári spili í enska boltanum á komandi tímabili. West Ham vill væntanlega ekki fá hann þar sem hann sagði nei við þá á síðasta tímabili en Blackburn væri góður kostur fyrir Eið Smára. Sam Allardyce, framkvæmdastjóri Blackburn, þekkir Eið Smára vel og veit hvað hann getur.

Þannig að ég veðja á það að Eiður Smári verði kominn til Blackburn fyrir 1. september.

Eiður með of há laun fyrir Rangers

Til hamingju

Já, Manchester United vann fyrsta bikar tímabilsins þegar þeir unnu Chelsea 3-1 í leiknum um Samfélagsskjöldinn. Sigurinn var sanngjarn og greinilega að Manchester United ætlar að berjast um meistaratitilinn í vetur. Sérstaklega fannst mér gaman að sjá hversu sprækur Paul Scholes var í leiknum. Það vantaði hann alveg í enska landsliðið í Suður-Afríku í sumar. Markið hjá Javier var líka algjört æði :)

Chelsea áttu sína spretti en voru bara ekki nógu góðir í dag. Það verður að viðurkennast að það er bara komin spenna í mann, enska úrvalsdeildin byrjar um næstu helgi. Loksins fer boltinn aftur að rúlla. Nú þarf maður bara að fara ákveða sig hvaða leik maður ætlar að skella sér á komandi tímabili.

Man. Utd tryggði sér Samfélagsskjöldinn

Fyrsta sjónvarpsauglýsing Travel2Football á Íslandi

Við viljum frekar hafa ferðirnar ódýrari en að eyða miklu í sjónvarpsauglýsingar :)

Ekki gott

Þetta eru ekki góðar fréttir fyrir Rauðu Djöflanna. Það eru margir stuðningsmenn Manchester United á því að miðjan hjá þeim sé veiki hlekkurinn í liðinu og því mega þeir ekki við því að missa Michael Carrick í einhver meiðsli. Sem betur fer virðast þetta ekki vera alvarleg meiðsli, í mesta lagi 2-3 vikur. En það er ekki gott að byrja tímabilið svona, það er alveg ljóst.

Michael Carrick mun ekki taka þátt í leiknum gegn Chelsea um helgina og væntanlega ekki heldur fyrsta leiknum í deildinni þegar Manchester United mætir Newcastle. Þetta kannski eykur líkurnar á því að Alex Ferguson kaupa miðjumann til liðsins. Eins og hefur komið fram á þessari síðu þá er ég á því að Manchester United verði að kaupa sér sprækan miðjumann áður en tímabilið hefst.

Carrick frá keppni næstu vikurnar

Þetta er málið

Þetta er alveg málið fyrir Manchester United. Werder Bremen hljóta að vilja selja hann núna í staðinn fyrir það að hann fari frítt frá félaginu næsta sumar. Ég held að flestir stuðningsmenn Manchester United séu sammála mér að þessi Þjóðverji er einmitt það sem þeim vantar, svona skapandi miðjumann.

En hvað er Alex Ferguson tilbúinn að borga fyrir þennan pilt, eigum við að segja 15 miljónir punda og málið er dautt? Ég ætla allavega að leggja nokkrar krónur undir hjá einhverjum veðbanka í Bretlandi um það að Özil verði orðinn leikmaður Manchester United fyrir 1. september.

United á enn möguleika á að fá Özil

Flott að fá Ramires í enska boltann

Þá er það ljóst að Ramires er á leiðinni til Chelsea. Eftir aðeins eitt tímabil hjá Benfica hefur hann verið keyptur til Chelsea fyrir 18 miljónir punda. Strákurinn spilaði mjög vel með Benfica á síðasta tímabili en í þeim 26 leikjum sem hann spilaði fyrir félagið skoraði hann 4 mörk og lagði upp heilan helling.

Velkominn í ensku úrvalsdeildina!

Benfica samþykkti tilboð Chelsea í Ramires

Hvað gerir Manchester City á komandi tímabili?

Það er alveg á hreinu að stóra spurning komandi tímabils er hvernig Manchester City mun standa sig. Eftir að hafa keypt Jerome Boateng, Aleksandar Kolarov, Yaya Toure og David Silva til liðsins í sumar ætti liðið klárlega að geta keppt um titilinn. En nær Roberto Mancini að búa til liðsheild? Er það ekki það sem þarf? Þetta fyrirkomulag ekki gefist vel hjá Real Madríd, það er að segja að reyna kaupa titilinn. Það er ljóst að hópurinn hjá Manchester City er hrikalega sterkur en að mínu mati er það bara ekki nóg. Ég er á því að Mancini sé ekki nægilega góður stjóri til að búa til góða liðsheild úr þessu stjörnuliði. Ég er ekki viss um það hvort Mark Hughes sé heldur maðurinn til þess. Eða hvað? Verður Manchester City enskur meistari næsta vor í fyrsta sinn síðan 1968? Ég veit það ekki, líklega ekki...

Ancelotti: City tilbúið í titilbaráttu