Svona á að gera þetta

Það verður bara að segjast um Alex Ferguson, hann stendur á sínu. Það er eins gott að lenda ekki kallinum. Í gegnum tíðina hafa margir leikmenn orðið "stærri" en félagið og hefur Ferguson ekki hikað við að selja þá. Það þýðir ekkert að láta þessar stórstjörnur stjórna liðunum en þetta er nú samt kannski aðeins of mikið af hinu góða, eða hvað? Að tala ekki við BBC í 6 ár? Þetta er rosalegur kall!

Ferguson neitar enn að ræða við BBC

Skemmtilegir leikir í dag

Þetta voru hörkuleikir í ensku úrvalsdeildinni í dag. Ég var alveg óður á fjarstýringunni og náði að sjá næstum því öll mörkin. Yndislegt að geta séð fimm leiki í beinni á sama tíma. Það er alltaf eitthvað að gerast.

Arsenal átt ekki í vandræðum með Blackpool, sérstaklega eftir að einn leikmaður Blackpool fékk rauða spjaldið í fyrri hálfleik. Þegar Arsenal dettur í stuð er unun að horfa á liðið.

Birmingham vann góðan sigur á Blackburn eftir að hafa lent 0-1 undir í upphafi seinni hálfleiks. Ben Foster var sprækur í marki Birmingham og varði meðal annars vítaspyrnu. Það gerði reyndar líka hann Jussi í marki Bolton gegn West Ham og það hjálpaði hans mönnum því Bolton vann leikinn 3-1. Everton náði aðeins 1-1 jafntefli gegn Wolves á heimavelli og mér sýndist meira að segja mark Everton vera ólöglegt.

Svo var mikið stuð í leik Stoke og Tottenham en þar skoruðu heimamenn mark á lokamínútum leiksins en því miður fyrir leikmenn Stoke þá sáu dómarnir það mark ekki og því endaði leikurinn 2-1 fyrir Tottenham en ekki 2-2. Gareth Bale gerði bæði mörk Tottenham í leiknum.

Sex mörk Arsenal - fyrstu stig WBA

Gott fyrir Manchester United

Þá er það komið á hreint, Nemanja Vidic, er búinn að skrifa undir nýjan samning við Manchester United. Þessi frábæri varnarmaður hefur verið orðaður við félög á Spáni í sumar og reyndar lengur en það en nú er ljóst að hann er ekki á leiðinni frá Manchester United.

Hingað til hefur verið sagt að fjölskylda Vidic hafi ekki verið að fíla Manchester og þá sérstaklega konan hans. Þetta er greinilega ekki vandamál lengur fyrst að Vidic er búinn að gera nýjan 4 ára samning. Vidic er liðinu gríðarlega mikilvægur, sérstaklega núna þegar Rio Ferdinand er frá vegna meiðsla. Sem sagt mjög góðar fréttir fyrir stuðningsmenn Manchester United.

Vidic samdi á ný við Man.Utd

Frábær leikmaður

Já, þetta kemur ekki á óvart. Gylfi Þór er búinn að standa sig hrikalega vel hjá Reading og eðlilega vilja lið í úrvalsdeildinni fá hann til sín. Ég er samt á því að hann eigi að spila með Reading eitt tímabil í viðbót, það er mikilvægt fyrir hann að fá að spila og verða AÐALmaðurinn. Það er samt stutt í það að hann færi sig upp um deild, það er alveg ljóst.

Gylfi Þór orðaður við Fulham

Nú væri gott að hafa Eið Smára

Þetta er svakalegt. Bara heilt lið sem getur ekki verið með vegna meiðsla. Nú væri gott fyrir Harry Redknapp að hafa Eið Smára en sá kappi átti flottan leik með Tottenham á þessum velli á síðasta tímabili. Það er spurning hvort Eiður skoppi aftur til Tottenham í næstu viku en sögur þess efnis hafa verið háværar á Englandi síðustu daga.

Tottenham í vandræðum

Ferðir á leiki Sheffield Wednesday?

Þýðir þetta ekki að Íslendingar fari að flykkjast til Sheffield? Það er eins gott að hringja strax í klúbbinn og tryggja sér 100 miða á alla leiki. Kannski verður Eiður Smári fyrsti leikmaðurinn sem Eggert kaupir til liðsins? Hver veit?

Eggert sagður í viðræðum vð Sheffield Wednesday

Gott fyrir Arsenal

Það er ljóst að Arsene Wenger verður að fá varnarmann til liðsins og þessi kappi hljómar ágætlega. Hef reyndar ekki heyrt um hann áður en Wenger er þekktur fyrir það að vita hvað hann er að gera þegar franskir leikmenn eiga í hlut. Hver er þessi maður?

Arsenal í viðræðum um kaup á Squillaci

Betri en Gera og Dempsey?

Ég var alveg viss um það að Eiður Smári væri á leiðinni til Blackburn en nú virðist það vera úr sögunni. Eiður Smári myndi klárlega styrkja lið Fulham enda mjög skapandi leikmaður þegar hann kemst í stuð. Eiður Smári yrði væntanlega að keppa við leikmenn eins og Zoltan Gera og Clint Dempsey um sæti í liðinu þar sem Mark Hughes spilar 4-4-1-1 kerfi, gerði það að minnsta kosti gegn Bolton um síðustu helgi.

En er Eiður Smári betri en þessir ágætu herramenn? Yrði hann pottþétt í byrjunarliði Fulham? Hvað finnst þér?

Fulham enn á höttunum eftir Eiði Smára

Þvílíkur snillingur

Þetta er svo mikill snillingur. Það eru ekki margir sem hafa haldið eins mikilli tryggð við félagið sitt eins og Giggs. Að hugsa sér, kallinn er að verða 37 ára og leikur ennþá mikilvægt hlutverk í stórliði eins og Manchester United. Að mínu mati einn besti leikmaður ensku úrvalsdeildarinnar frá upphafi.

Ég vildi að það væru fleiri leikmenn eins og Ryan Giggs. Og vildi líka fyrir hönd Englendinga að hann hefði fæðst á Englandi en ekki í Wales.

Giggs á markalistanum 21 ár í röð

Er það kona sem á Manchester City?

Það er bara eins og það sé kona sem eigi Manchester City. Það þykir engum karlmönnum svona gaman að versla, er það nokkuð? Þvílíkur hópur hjá Manchester City!

Að mínu mati eru Chelsea og Manchester City með bestu hópana en er það nóg?

Félagaskiptum lokið - ensku hóparnir klárir