Skemmtilegir leikir í dag

Þetta voru hörkuleikir í ensku úrvalsdeildinni í dag. Ég var alveg óður á fjarstýringunni og náði að sjá næstum því öll mörkin. Yndislegt að geta séð fimm leiki í beinni á sama tíma. Það er alltaf eitthvað að gerast.

Arsenal átt ekki í vandræðum með Blackpool, sérstaklega eftir að einn leikmaður Blackpool fékk rauða spjaldið í fyrri hálfleik. Þegar Arsenal dettur í stuð er unun að horfa á liðið.

Birmingham vann góðan sigur á Blackburn eftir að hafa lent 0-1 undir í upphafi seinni hálfleiks. Ben Foster var sprækur í marki Birmingham og varði meðal annars vítaspyrnu. Það gerði reyndar líka hann Jussi í marki Bolton gegn West Ham og það hjálpaði hans mönnum því Bolton vann leikinn 3-1. Everton náði aðeins 1-1 jafntefli gegn Wolves á heimavelli og mér sýndist meira að segja mark Everton vera ólöglegt.

Svo var mikið stuð í leik Stoke og Tottenham en þar skoruðu heimamenn mark á lokamínútum leiksins en því miður fyrir leikmenn Stoke þá sáu dómarnir það mark ekki og því endaði leikurinn 2-1 fyrir Tottenham en ekki 2-2. Gareth Bale gerði bæði mörk Tottenham í leiknum.

Sex mörk Arsenal - fyrstu stig WBA

Athugasemdir

[Marinó G. Njálsson, 21.8.2010 kl. 17:00]

Hafi þetta ekki verið mark hjá Stoke, þá sýndist mér að minnsta kosti leikmaðurinn stoppa boltann með hendinni. 

[Gaman Ferðir, 21.8.2010 kl. 17:23]

Sammála!