Gott að heyra

Vonandi nær hann sér fljótt. Það var svakalegt að sjá þetta. Valencia var klárlega búinn að vera besti maður Manchester United í leiknum áður en hann meiddist. Vonandi verður hann klár í upphafi næsta tímabils.

Aðgerðin á Valencia heppnaðist vel

Já, takk!

Já, ég vil fá Jose Mourinho til landsins.  Kom hann ekki hingað stuttu eftir að hann tók við liði Chelsea til að horfa á Eið Smára spila landsleik?

Það er bara eitthvað svo skemmtilegt við þennan magnaða knattspyrnustjóra. Það myndi bara gefa lífinu lit að fá Mourinho á Laugardalsvöllinn.

Stýrir Mourinho Portúgölum gegn Íslendingum?

Torres ennþá í Suður-Afríku

Þetta er alveg rétt hjá Jamie Redknapp, Torres hefur verið ansi slakur með Liverpool síðan að hann mætti til leiks eftir sumarfrí. Hann virðist bara vera ennþá í Suður Afríku að fagna heimsmeistaratitlinum. Þetta hefur kannski líka eitthvað að gera með félagið þar sem lítið hefur gerst í eigandamálum félagsins sem þýðir að liðið á litla möguleika á því að keppa við Arsenal, Chelsea, Manchester City og Manchester United um titilinn.

Fyrrum leikmaður Liverpool lætur Torres fá það óþvegið

Auðvitað verður hann með

Ég held að það sé alveg pottþétt að Wayne Rooney verði með Manchester United í leiknum gegn Glasgow Rangers. Þeir geta bara ekki án hans verið í svona stórleik. Ég er á því að Alex Ferguson hafi gert mistök með því að láta hann ekki spila gegn Everton á laugardaginn. Það er samt spurning hvort Ronney hafi ekki bara sjálfur beðið um frí til að sinna sínum einkamálum.

Rooney í góðum gír

Hvaða áhrif hefur þetta á Rooney?

Miðað við frammistöðu Wayne Rooney með enska landsliðinu á síðustu dögum þurfa stuðningsmenn Manchester United engu að kvíða þrátt fyrir vandræði hans í einkalífinu. Sá var að spila vel á móti Búlgaríu og Sviss. Sérstaklega þótti mér leikurinn gegn Búlgaríu góður, það er alveg í lagi að eiga fjórar stoðsendingar í leik sem gefa mark. Svo skoraði hann auðvitað gegn Sviss.

Rooney og Coleen óska eftir friði frá fjölmiðlum

Gallas fyrirliði?

Ég sá það einhversstaðar á netinu að Harry Redknapp er jafnvel að hugsa um það að gera William Gallas að fyrirliða liðsins. Það kæmi nokkuð á óvart en það virðist vera að Redknapp vilji gera Gallas að aðalmanninum strax í fyrsta leik.

Gallas og Van der Vaart með Tottenham í fyrsta sinn

Munar miklu

Lið Manchester United mun styrkjast mikið við það að fá Rio Ferdinand aftur í hópinn. Það er reyndar spurning hversu góðu leikæfingu hann er í en líklega verður hann fljótur að komast í sitt besta form. Ætli hann byrji ekki á bekknum í dag en komi sterkur inn í næsta leik í Meistaradeildinni í næstu viku.

Ferdinand með United á Goodison Park

Þetta verður spennandi

Það verður spennandi að sjá Stoke spila gegn Aston Villa á mánudaginn. Eiður Smári virðist hafa verið tekið mjög vel hjá félaginu og átti fínan leik gegn Crewe í vikunni. Nú er bara spurning hvort strákurinn sé tilbúinn fyrir ensku úrvalsdeildina? Stoke er auðvitað búið að tapa fyrstu þremur leikjum sínum í deildinni þannig að þeir verða að fara ná inn stigum. Það er alveg ljóst að maður verður að sjá þennan leik á mánudaginn.

Jones: Læri af Eiði Smára

Áfram Ísland!

Nú er bara að vona það besta. Þessir strákar geta alveg staðið í Dönum ef þeir spila eins og þeir gerðu í fyrri hálfleik gegn Norðmönnum í síðustu viku. Áfram Ísland!

Þetta kemur á óvart!

Þetta eru tíðindi sem koma á óvart. Gerard Houllier á leiðinni í enska boltann aftur. Það er spurning hvað þeir Brad Friedel og Stephen Warnock segja en þegar Houllier stjórnaði liði Liverpool þá seldi hann Friedel til Blackburn og lánaði Warnock til Coventry.

En þetta er auðvitað ekki staðfest ennþá en virðist vera líklegt...

Houllier á leið til Aston Villa