Skemmtilegt!

Já, það verður gaman að sjá hvort þeir Eiður Smári og Jermaine Pennant verði í byrjunarliði Stoke næsta mánudag þegar liðið mætir Aston Villa í ensku úrvalsdeildinni. Báðir hafa verið "týndir" í nokkur ár og því verður spennandi að sjá hvort þeir springi út og geri allt vitlaust með Stoke í vetur.

Pennant spenntur fyrir því að spila með Eiði Smára

Þetta er sárt!

Það hlýtur að vera sárt fyrir stuðningsmenn Liverpool að lesa þetta. Það að leikmaður hafi valið Tottenham framyfir Liverpool. En það munar væntanlega miklu að liðið er í Meistaradeild Evrópu og virðist vera í góðum málum fjárhagslega á meðan Liverpool er í tómu rugli í þeim málum.

Van der Vaart hafnaði tilboði Liverpool

Það munar um minna!

Það er pottþétt partý í Shrewsbury núna. Alveg í lagi að fá 500.000 pund í kassann. Joe Hart hefur heldur betur staðið sig eins og hetja með Manchester City og enska landsliðinu í upphafi þessa tímabils. Greinilegt að strákurinn er til í slaginn.

Hart færði Shrewsbury tekjur með landsleiknum

Auðvitað!

Wayne Rooney spilaði hrikalega vel með Englendingum gegn Búlgörum á föstudagskvöldið og vonandi verður hann í sama stuðinu annað kvöld í Sviss. Það er virkilega gaman að sjá að Rooney er að nálgast sitt besta form.

Rooney fer til Sviss

Já, takk

Já, Robinho er að senda Manchester City tóninn! Ég þekki auðvitað ekki sögu hans en ég er ekki alveg að trúa þessu hjá honum. Robinho fór "óvart" á sínum tíma til Manchester City en það er frægt að hann sagðist vera ánægður að vera kominn til Chelsea stuttu eftir félagsskiptin. Úps, var það Manchester City? Peningarnir virðast hafa ráðið ansi miklu við þau félagsskipti. Núna segir hann að það hafi ekki verið nógu góð stemning hjá Manchester City, eins og það skipti öllu hjá leikmönnum eins og Robinho :)

Robinho sendir Manchester og City tóninn

Sáttur þrátt fyrir tap

Ég verð bara að viðurkenna það að þetta var að mínu mati besti landsleikur Íslands í langan tíma. Gaman að sjá hvað ungu strákarnir voru að standa sig vel. Það var auðvitað hrikalega svekkjandi að tapa leiknum en með örlítið meiri heppni hefði þetta ekki farið svona, og þó! Gulli varði nokkrum sinnum vel í markinu...

Allavega var allt annað að sjá íslenska liðið. Leyfum þessum guttum að spila þessa undankeppni og þeir verða orðnir svakalegir í undankeppni HM eftir nokkur ár. Ísland á HM í Brasilíu 2014 :)

Norðmenn svöruðu tvisvar og unnu 2:1

Er þetta rétti maðurinn?

Hann Alan Curbishley er ljómandi góður stjóri og gæti alveg komið Aston Villa á næsta stig í boltanum. En ég held að fyrst og fremst verði Aston Villa að breyta þeirri stefnu að selja á hverju sumri sína bestu leikmenn. Ég held að Alan Curbishley sé ekki maðurinn sem breytir því.

Curbishley í viðræðum við Aston Villa

Af hverju?

Af hverju er Javier Mascherano að reyna þetta? Það vita allir að hann vildi ólmur komast burt. Nú á að reyna að kenna Liverpool um þetta og saka forsvarsmenn félagsins um lygar. Dapurt hjá þessum annars ágæta leikmanni. 

Mascherano ásakar Liverpool um lygar

Vill spila

Það er líklegt að Hleb hafi ákveðið að fara til Birmingham til að vera öruggur um það að fá að spila.

Hleb er búinn að vera nógu lengi á bekknum hjá Barcelona þannig að ætli að það sé ekki aðalástæða þess að hann valdi Birmingaham. Hann vill vera með öruggt sæti í byrjunarliðinu og það er eitthvað sem hann getur ekki fengið hjá Tottenham og Liverpool.

Hleb hafnaði Liverpool og Tottenham

Kemur á óvart

Það lítur út fyrir það að Stoke hafi keypt Eið Smára á 2 miljónir punda. Kemur nokkuð á óvart, sérstaklega sem hann gerði aðeins eins árs samning við Stoke. Nú er bara vonandi að strákurinn standi sig hjá Stoke.

Pulis: Redknapp sannfærði mig um að semja við Eið - Ekki lánssamningur