Spennandi dagur framundan

Já, þessi lokadagur félagsskipta er alltaf spennandi. Glugginn lokast klukkan 17:00 að íslenskum tíma á Englandi þannig að það má búast við mörgum skemmtilegum fréttum þaðan í dag. Talið er líklegt að eitthvað muni gerast hjá Manchester City, þeir þurfa allavega að losa sig við nokkra leikmenn. Svo er líklegt að Liverpool kaupi einn eða tvo leikmenn í dag og svo verður spennandi að sjá hvar Eiður Smári endar. Ekki má gleyma því að Arsenal gæti alveg tekið upp á því að kaupa markmann...

Aftur á móti er það nokkuð öruggt að hvorki Chelsea né Manchester United muni kaupa einhverja leikmenn í dag. Þessi lið virðast vera klár í baráttuna.

Ja, bitte!

Já, þetta eru heldur betur tíðindi. Gylfi Þór virðist vera á leiðinni til Hoffenheim í Þýskalandi. Vonandi verður hann fljótur að aðlagast boltanum í Þýskalandi og kominn í byrjunarlið Hoffenheim sem allra fyrst.

Skál fyrir Gylfa!

Gylfi hefur náð samkomulagi við Hoffenheim - Er á leið í læknisskoðun

Ekki fara til Þýskalands

Ég verð að taka undir það sem strákarnir í Sunnudagsmessunni sögðu í gær: Gylfi, ekki fara til Þýskaland. Við viljum fá þig í ensku úrvalsdeildina. 

Vonandi rífur eitthvað enskt úrvalsdeildarlið upp heftið og kaupir strákinn í dag. Samt er Hoffenheim fínt lið og allt það sko...

Gylfi fundar með Hoffenheim í London

Það er naumast

Jáhá, Eiður Smári til Stoke? Þetta eru ótruleg tíðindi. Það er spurning hvernig stuðningsmenn Stoke myndu taka honum enda hefur maður heyrt að Íslendingar séu ekki alltof vinsælir á svæðinu eftir Íslendingaævintýrið ógurlega hjá Stoke. Það er líka aðeins annað að búa í Monakó og Stoke on-Trent. En ég vona bara að Eiður Smári fari til liðs þar sem hann fær að spila, hann er þannig leikmaður sem þarf að spila í hverri viku þannig að hann njóti sín til fulls.

Stoke staðfestir að eiga í viðræðum við Eið Smára

Rooney öflugur

Hann Wayne Rooney stóð sig mjög vel í leiknum í gær en strákurinn var úti um allan völl, var ófeiminn við það að fara aftur og ná hreinlega í boltann. Vítið var öruggt og svo átti strákurinn sömuleiðis sendinguna á Nani þegar hann skoraði markið sitt. Það er vonandi fyrir Manchester United og enska landsliðið að Rooney sé vaknaður til lífsins.

Ferguson: Rooney fullur af orku

Sterkur leikur

Það verður spennandi að sjá hvernig Raul Meireles muni standa sig með Liverpool. Þetta er hörkuleikmaður og gæti alveg gert fína hluti hjá liðinu. En þetta snýst mikið til um það hvernig hann muni aðlagast enska boltanum því sá enski er töluvert frábrugðin þeim portúgalska. Nú er spurning hvort fleiri leikmenn verði keyptir til Liverpool en talið er líklegt að eitt stykki vinstri bakvörður og framherji muni bætast í hópinn fyrir 1. september. Já, það eru skemmtilegir dagar framundan.

Meireles samdi við Liverpool til fjögurra ára

Kemur á óvart

Já, þetta kemur svo sannarlega á óvart. Gylfi til Þýskaland en samkvæmt heimildum Morgunblaðsins er þetta málið. Maður vissi nú að Gylfi yrði seldur fljótlega frá Reading en að áfangastaðurinn yrði Þýskaland, það kemur á óvart. Aftur á móti er Hoffenheim flott lið í Þýskalandi og það er vonandi að Gylfi verði lykilmaður í liðinu en vermi ekki bekkinn.

Auðvitað er Travel2Football með ferðir á leiki í þýska boltanum en til dæmis má sjá Gylfa "beint í æð" þegar Hamborg fær Hoffenheim í heimsókn síðar á þessu ári. Skoðaðu úrvalið á www.travel2football.is.

Gylfi Þór á leið til Hoffenheim - Fer í læknisskoðun á mánudaginn

Ná þeir í lið?

Ég er bara byrjaður að hafa áhyggjur af því að þeir nái hreinlega ekki í lið. Það eru bara allir meiddir eða hættir í landsliðinu. Nú er spurning hvort Capello noti tækifærið og treysti á yngri leikmenn sem ekki hafa áður fengið tækifæri með liðinu. Það verður allavega spennandi að sjá hópinn en hann verður kynntur í kvöld.

Terry ekki með Englendingum

Það yrði rosalegt!

Það væri svakalegt ef Jose Mourinho tæki við af Alex Ferguson, það er alveg klárt mál. Ég held að það sé alveg 100% öruggt að Mourinho kemur aftur í enska boltann en ætli Manchester City sé ekki líklegri áfangastaður. En hvað? Það verður rosalega erfitt fyrir þann sem tekur við Alex Ferguson enda maðurinn búinn að gera fáranlega góða hluti á sínum langa og farsæla ferli. Ég held að Jose Mourinho sé ekki maður í það...

Sneijder: Mourinho mun taka við af Ferguson

Flottar fótboltaferðir

Ef þú ætlar að skella þér á leik í ensku úrvalsdeildinni á tímabilinu er um að gera að skoða úrvalið hjá Travel2Football.is Travel2Football er opinber samstarfsaðili Arsenal, Chelsea, Liverpool og Manchester United. Einnig er í boði hjá Travel2Football ferðir á leiki á Spáni og Þýskalandi.

Núna eru svo komnar inn ferðir á leiki Arsenal, Chelsea og Manchester United í riðlakeppni Meistaradeildar Evrópu og sömuleiðis leikir Liverpool í riðlakeppni í Evrópudeildinni.

Skoðaðu úrvalið á www.travel2football.is.