Torres ennþá í Suður-Afríku

Þetta er alveg rétt hjá Jamie Redknapp, Torres hefur verið ansi slakur með Liverpool síðan að hann mætti til leiks eftir sumarfrí. Hann virðist bara vera ennþá í Suður Afríku að fagna heimsmeistaratitlinum. Þetta hefur kannski líka eitthvað að gera með félagið þar sem lítið hefur gerst í eigandamálum félagsins sem þýðir að liðið á litla möguleika á því að keppa við Arsenal, Chelsea, Manchester City og Manchester United um titilinn.

Fyrrum leikmaður Liverpool lætur Torres fá það óþvegið

Athugasemdir

[Hjalti (IP-tala skráð) 13.9.2010 kl. 12:29]

Veit ekki hvort þetta er rétt mat. Torres hefur verið meiddur og hefur átt í erfiðleikum við að ná sér til baka og fullkomlega heilum. Lukkuguttar eins og Torres, sem sjaldan hafa lent í mótlæti á ferlinum, virðast líka eiga erfiðara með að höndla meiðsli heldur en leikmenn sem oft lenda í meiðslum og veseni. Við skulum ekki afskrifa Liverpool alveg, allavega er ég sallarólegur þó þeir séu í augnablikinu 7 stigum á eftir efsta liði. Auðvitað hefði maður viljað sjá sigur í jafnteflisleikjunum tveimur, sérstaklega var svekkjandi að tapa tveimur stigum gegn Arsenal.

[Rúnar (IP-tala skráð) 13.9.2010 kl. 12:47]

hann hefur nú lent í dálitlu mótlæti á ferlinum Hjalti, lendir allavega oft í meiðslum og veseni og þar af leiðandi nær hann aldrei að verða 100% heill. Þið getið rétt svo ímyndað ykkur hversu góður hann yrði ef hann myndi spila heilt tímabil án þess að meiðast . Þá myndi hann skora fleiri en 30 mörk í deild allavega.

[Jón Ingi (IP-tala skráð) 13.9.2010 kl. 13:41]

Ég ætla nú bara að benda ykkur á það að það er 100% öruggt að Redknap skrifaði EKKI þessa grein.
Þessi grein kemur frá the sun.  Og enginn sem að er eitthvað tengdur Liverpool skiptir við slúðurblaðið the sun

[Hjalti (IP-tala skráð) 13.9.2010 kl. 14:26]

Það er rétt Rúnar. Hann hefur lent í meiðslaveseni eftir fyrsta tímabilið hjá Liverpool og hefur ekki náð sér af því. Fram að því hafði hafði hann að mestu verið heill a.m.k. það heill að hann gat leikið 30-40 deildarleiki á ári. Ef Torres nær sér á strik þá er hann 30 marka maður og þarf Liverpool á því að halda. Lið sem stefna á titlana þurfa markaskorara og helst fleiri en einn. Ég myndi telja að lið á kaliberi Liverpool þurfi tvo menn sem skora samanlagt a.m.k. 40-50 mörk á ári í öllum keppnum. Það hefur ekki tekist nema ca annað hvert ár hjá liðinu síðustu 10 árin. Oft hefur þá líka annar tveggja markahæstu manna verið miðjumaður.

[Unnar Geirdal (IP-tala skráð) 13.9.2010 kl. 14:32]

Rétt hjá Jóni Inga, harla ólíklegt að Redknap skrifi í the sun...

[Benz (IP-tala skráð) 13.9.2010 kl. 17:54]

Fyrst er nú að benda á það, að Liverool tapaði ekki tveimur stigum gegn Arsenal, þeir unnu eitt, alveg eins og Arsenal. Hvað Torres varðar, verður að segjast eins og er, að neistinn hefur ekki verið til staðar hjá honum. Hann er "match winner" af Guðs náð og svoleiðis menn eiga að klára einn og einn leik og þess á milli að vera stöðugir í markaskorun. Ekki veit ég hvað er að hjá Liverpool, alltaf á maður von á þeim sterkum, en svo einhvern veginn rennur þetta út í sandinn. Sem er sorglegt, því það þarf að fjölga þeim liðum sem eru í raun að berjast um titilinn. Liverpool ætti svo sannarlega að vera eitt þeirra.