Það er naumast

Það er ótrulega mikið að gerast hjá Liverpool um þessar mundir. Bæði Kuyt og Mascherano hafa verið orðaðir við önnur félög á síðustu vikum og nú virðist Inter Milan vera að reyna að kaupa þá báða þrátt fyrir samkomulag Rafa Benitez við Liverpool um að hann myndi ekki reyna að lokka leikmenn frá Liverpool. Einnig er Barcelona víst á eftir Mascherano en hvort liðið virðist vilja borga uppsett verð. Það er spurning hvort liðin fari í verðstríð og Liverpool nái að selja þennan óvinsæla leikmann Liverpool.

Inter staðfestir tilboð í Mascherano

Athugasemdir

[Júlíus Valdimar Finnbogason, 26.8.2010 kl. 12:34]

Persónulega verð ég feginn þegar Masch fer. Hann er búinn að drulla uppfyrir hnakka þessi maður með sinni hegðun og algjörlega búinn að gleyma því að það var Liverpool sem ýtti feril þessa manns af stað á nýjan leik.

Ég bý erlendis og hef reyndar búið í 4 löndum utan við Ísland og ef maður kemur sér inn í tungumálið í viðkomandi landi og reynir að kynnast fólki frá því landi sem maður býr í þá aðlagast maður. 

Aumkunarverðar afsakanir í þessum manni og illa innrætt grey. Ég er harður stuðningsmaður Liverpool og vil mínu klúbbi gott en svona menn vil ég ekki sjá í Liverpool treyju á nýjan leik og þó að Liverpool sé ekki á sama stalli og fyrir 20 árum þá ætti það að vera heiður að spila fyrir klúbb með eins ríka og mikla sögu og Liverpool. 

Alveg eins og það ætti að teljast heiður að spila með Man Utd. 

Mér finnst bara atvinnumenn í dag vera óþolandi. Ekki nóg með það að harkan sé að deyja út og leiklistin að ná tökum heldur eru þetta orðnar svo miklar prímadonnur að þeir vilja helst allir vera í höfuðborgum, 20° í meðalhita á ári og ekki skemmir fyrir ef þar er strönd. 

Þarf alvarlega að fara að skoða hvert knattspyrnan er að fara því menn eins og Masch eru að eyðileggja þessa frábæru íþrótt.

[Grétar Sigurðsson (IP-tala skráð) 26.8.2010 kl. 13:32]

Svo sammála!