Hvað gerir Cesc Fabregas?

Já, Arsenal sigraði á Emirates-mótinu sem kláraðist í dag. Í dag lék Arsenal við Celtic og hafði betur, 3-2. Enginn Cesc Fabregas var í liði Arsenal en hann er ekki ennþá byrjaður að æfa með liðinu enda fór hann alla leið með Spánverjum á HM og fékk því lengra sumarfrí. En hvað gerir Fabregas þegar hann mætir á fyrstu æfinguna sína? Mun Fabregas staðfesta það að hann vilji fara frá félaginu eða mun hann segja að hann sé sáttur hjá Arsenal og sé ekki á leiðinni til Barcelona.

Arsene Wenger sagði í viðtali í gær að nú væri komið að Fabregas að ákveða sig. Nú er bara spurning hvað Fabregas gerir. Það kemur sem sagt í ljós á næstu dögum hvernig þessi framhaldssaga fer.

Arsenal lagði Celtic og vann Emirates mótið

Athugasemdir

[Elfa Björk Sigurjónsdóttir (IP-tala skráð) 2.8.2010 kl. 11:05]

Wenger sagði reyndar ekki að Fabregas ætti að ákveða sig. Wenger sagði að Fabregas væri ekki til sölu en að enginn annar en hann gæti þaggað niður í fjölmiðlaumfjölluninni um málið með því að gefa frá sér yfirlýsingu um að hann sé ekki á förum.

Mér finnst svolítið kjánaleg umræða um að leyfa honum að fara, eins og það sé verið að tala um bíóferð með vinunum. Hann er ekki nema 23 ára, skrifaði undir samning sem gildir í 5 ár í viðbót og er gríðarlega mikilvægur fyrir liðið sem er í sjálfu sér alveg næg ástæða til að vilja ekki selja hann, þó ekki bættist við sú staðreynd að Barcelona hefur bara sent inn eitt hlægilega lágt tilboð þegar tekið er tillit til ofangreindra þátta.

[Gaman Ferðir, 3.8.2010 kl. 10:11]

Ég held að það sé best að selja leikmenn sem vilja ekki vera áfram hjá liðinu. Auðvitað verður að koma viðunandi tilboð en það virðist vera orðið nokkuð öruggt að ef menn fara fram á það að vera seldir þá verða þeir seldir. Hver vill hafa svona leikmenn í sínu liði?

Ég skil bara ekki af hverju Fabregas er ekki löngu búinn að koma fram í fjölmiðlum og segja hann sé samningsbundinn Arsenal og hann sé ekkert á leiðinni burt frá félaginu.