Hvað gerir Alex Ferguson?

Já, Wayne Rooney byrjar ekki tímabilið vel fyrir Manchester United. Fyrsta æfingin hans var í gær og hann var víst ansi slappur enda nýkominn af djamminu. Ég held nú samt að Alex Ferguson refsi Rooney ekki, að minnsta kosti ekki opinberlega.

Hér má sjá þessar myndir af Rooney á djamminu.

Rooney búinn að koma sér í vandræði

Er Diarra málið?

Já, það kemur ekki á óvart að Alex Ferguson sé að skoða þennan öfluga miðjumann. Lassana Diarra fær líklega lítið að spila með Real Madrid á komandi tímabili og það gæti freistað hans að fara til Manchester United. Plúsinn fyrir Manchester United er auðvitað sá að Diarra þekkir ensku deildina en hann spilaði með Portsmouth áður en hann fór til Real Madrid.

Það er spurning hvort Ferguson sé tilbúinn að borga 20 miljónir punda fyrir hann. Jose Mourinho, framkvæmdastjóri Real Madrid, gæti nú gefið Ferguson afslátt þar sem þeir eru svo "miklir" vinir.

United með Diarra í sigtinu

Flottar fótboltaferðir

Fáðu boltann beint í æð og skelltu þér á völlinn hjá bestu liðum Evrópu. Travel2Football er opinber samstarfsaðili allra stærstu liðanna í Evrópu.
 
Bókaðu ferðina á netinu og borgaðu með kreditkorti. Á innan við 5 mínútum færðu öll ferðagögn send til þín í tölvupósti og sömuleiðis upplýsingar um hótelið og miðana og allt er klárt fyrir ferðina.

Sala á ferðum á enska boltann tímabilið 2010/2011 er hafin. Sömuleiðis verður hægt að kaupa hótel og miða á leiki á Spáni, Ítalíu, Skotlandi og Þýskalandi í ágúst.
 
Hafðu þetta einfalt
Bókaðu þitt eigið flug en keyptu hótel og miða hjá okkur hér á Travel2Football.is.

Ef þú hefur einhverjar spurningar þá er bara að senda okkur póst á [e-mail].

Umboðsmenn Travel2Football á Íslandi eru þeir Þór Bæring Ólafsson og Bragi Hinrik Magnússon.

Hvað gerir Cesc Fabregas?

Já, Arsenal sigraði á Emirates-mótinu sem kláraðist í dag. Í dag lék Arsenal við Celtic og hafði betur, 3-2. Enginn Cesc Fabregas var í liði Arsenal en hann er ekki ennþá byrjaður að æfa með liðinu enda fór hann alla leið með Spánverjum á HM og fékk því lengra sumarfrí. En hvað gerir Fabregas þegar hann mætir á fyrstu æfinguna sína? Mun Fabregas staðfesta það að hann vilji fara frá félaginu eða mun hann segja að hann sé sáttur hjá Arsenal og sé ekki á leiðinni til Barcelona.

Arsene Wenger sagði í viðtali í gær að nú væri komið að Fabregas að ákveða sig. Nú er bara spurning hvað Fabregas gerir. Það kemur sem sagt í ljós á næstu dögum hvernig þessi framhaldssaga fer.

Arsenal lagði Celtic og vann Emirates mótið

Góðar fréttir fyrir stuðningsmenn Arsenal

Þetta eru heldur betur góð tíðindi fyrir stuðningsmenn Arsenal ef Arsene Wenger nær að kaupa þennan frábæra leikmann. Per Mertesacker var mjög góður með Þjóðverjum á HM í sumar og átti ljómandi fínt tímabil með Werder Bremen í þýsku deildinni á síðasta tímabili. Mertesacker er ekki nema 25 ára (verður 26 ára í september) og myndi passa mjög vel inn í Arsenal-liðið. Þrátt fyrir ungan aldur er hann búinn að spila 69 landsleiki fyrir hönd Þýskalands. Arsenal þarf nauðsynlega að fá einhvern öflugan leikmann í vörnina þar sem William Gallas er farinn og sömuleiðis varaskeifan Sol Campbell. Þetta er alveg málið Herra Wenger!

Mertesacker í stað Campbell hjá Arsenal?

Mun Alex Ferguson kaupa fleiri leikmenn til liðsins?

Javier Hernandez spilaði sinn fyrsta leik fyrir Manchester United í gærkvöldi og sá var ekki lengi að skora. Setti eitt mark í 5-2 sigri Manchester United á úrvalsliði MLS-deildarinnar. Þessi 22 ára gamli framherji kom til Manchester United frá Chivas de Guadalajara í byrjun sumarsins. Ferguson vissi alveg hvað hann var að gera þegar hann keypti hann fyrir HM, sparaði sér án efa nokkrar milljónir á því. Þetta eru einu kaup Ferguson í sumar en hann keypti reyndar Chris Smalling frá Fulham í janúar en hann kom ekki til liðsins fyrr en í sumar. En lætur Ferguson þetta duga?

Í viðtali í gær sagði Ferguson að hann væri mjög sáttur með eigendur liðsins og hann gæti keypt leikmenn til liðsins ef hann þyrfti þess. Honum hefði aldrei verið neitað um pening til leikmannakaupa. Satt að segja hafa fáir leikmenn verið orðaðir við Manchester United í sumar, óvenju fáir. Ég held samt að Alex Ferguson komi með eina sprengju á næstu dögum. Það kemur einhver öflugur leikmaður til liðsins áður en tímabilið hefst. En hver verður það? Það er góð spurning.

Hernández skoraði í fyrsta leiknum fyrir Man. Utd (myndband)

Er Mark Hughes rétti maðurinn fyrir Fulham?

Ég er á því að eigandi Fulham, Mohamed Al-Fayed, sé að gera það eina rétta í stöðunni og ráða mann eins og Hughes til liðsins. Hughes hefur reynslu af því að stjórna liði eins og Fulham, liði sem hefur ekki mikla peninga til að kaupa leikmenn. Þegar hann var framkvæmdastjóri Blackburn (2004-2008) var hann duglegur að finna öfluga menn fyrir lítinn pening. Hughes keypti meðal annars  menn eins og Benni McCarthy (£2 miljónir), David Bentley (£500,000), Ryan Nelsen (frítt), Stephen Warnock (£1.5 miljónir), Roque Santa Cruz (£3.5 miljónir), og Christopher Samba (£400,000) til liðsins.

Menn eins og Martin Jol og Sven Goran Eriksson eiga ekki heima hjá liði eins og Fulham. Þeir þurfa einhvern harðjaxl eins og Mark Hughes. Nú er bara spurning hvort Hughes reyni ekki að krækja í einhverja leikmenn frá Manchester City en þeir þurfa nauðsynlega að selja nokkra leikmenn fyrir 1. september. Hughes stjórnaði auðvitað Manchester City í tæplega 18 mánuði og þekkir vel þá leikmenn sem þar eru.

Travel2Football.is er að sjálfsögðu með ferðir á leiki Fulham á komandi tímabili. Kíktu á www.travel2football.is til að skoða úrvalið.

Hughes að taka við Fulham